Sumqayıt idmançıları çempion olublar.
Sumqayit24.az xəbər verir ki, "Şüa İdman Kompleksi"ndə stolüstü tennis üzrə Azərbaycan kuboku keçirilib. Burada paytaxt Bakı ilə yanaşı müxtəlif şəhər və rayonları təmsil edən idmançılar mübarizə aparıblar.
Nəticələrə əsasən, "Sumqayıt 1" 2011-ci il və daha kiçik təvəllüdlü qızların komanda yarışının qalibi olub.
Fəxri kürsüdə yer alan idmançılara Gənclər və İdman Nazirliyinin diplom və medalları və Azərbaycan Stolüstü Tennis Federasiyasının hədiyyələri təqdim olunub.
