"Sumqayıt" futbol klubunun sabiq baş məşqçisi Aleksey Baqa Belarus millisinin Azərbaycana qarşı keçirəcəkləri yoldaşlıq oyunları ilə bağlı fikirlərini bölüşüb.
Sumqayit24.az xəbər verir ki, “Белорусский Футбол” nəşrinə danışan Baqa millimizlə görüş barədə bunları deyib:
"Əlbəttə, istənilən futbolçu və məşqçi böyük rəqiblərlə oynamaq, müəyyən dərslər götürmək istəyər. Bu superdi, özüm də bunu yaşamışam.
Amma indiki vəziyyətdə biz Azərbaycan və Tacikistanla oyundan maksimum yararlanmalıyıq.
Bəlkə də indi güc baxımından bizimlə bərabər olan rəqiblərə qarşı oynamağın vaxtıdır ki, oyunçularda özünəinam yaransın.
Üstəlik, bu, yeni coğrafiya, möhtəşəm stadionlardır. Mən bunu şəxsən bilirəm. İstənilən halda komandamız üçün asan olmayacaq".
Qeyd edək ki, Azərbaycan – Belarus oyunu martın 25-də Masazırdakı “Bank Republik Arena” stadionunda keçiriləcək və saat 21:45-də başlayacaq.
