“Sumqayıt”ın rəsmisi stadionda aparılan işlərin gedişatından danışıb. Sumqayıt24 bu haqda 18 iyul tarixində Report.az-a istinadən xəbər verir.
Klubun mətbuat katibi Zaur Xudiyev UEFA-ya məlumat göndərdiklərini söyləyib:
"Artıq son mərhələlərdir. Mehdi Hüseynzadə adına stadionda proseslər yekunlaşmaq üzrədir. İşlər tamamlandıqca UEFA-ya məlumat veririk. Stadionun tam hazır olması ilə bağlı yekun məlumatı həftəsonu UEFA-ya göndərəcəyik. Düşünürəm ki, bizi ləngidəcək, incidəcək heç nə yoxdur və çatışmazlıqları vaxtında aradan qaldıracağıq".
O, işlərin tam nəzarət altında olduğunu vurğulayıb:
"UEFA nümayəndəsi gəlib-gedən gündən işlərə start vermişik. Plan-proqram tərtib olunub. Prosesə nəzarət edirik. Çalışırıq ki, hər şey qaydasında olsun".
Qeyd edək ki, "Sumqayıt" UEFA Konfrans Liqasının II təsnifat mərhələsində "Fehervar"ı qəbul edəcək. Matç iyulun 25-də baş tutacaq.
