Sumqayıtlı yeniyetmə idmançılar medallar qazanıblar.
Sumqayit24.az xəbər verir ki, Bakıda keçirilən 14 yaşadək yeniyetmə cüdoçular arasında liqa yarışına yekun vurulub. Abşeron Olimpiya İdman Kompleksində təşkil olunan turnirin son günündə dörd Sumqayıt idmançısı mükafata layiq görülüb.
Belə ki, Kənan İsmayılov (Sumqayıt şəhəri 1 nömrəli İOEUGİŞM, 60 kq) və Zeynəb İsgəndərli (Sumqayıt şəhəri 2 nömrəli UGİŞM, 40 kq) birinci, Məhərrəm Bayramlı (Sumqayıt şəhəri 1 nömrəli İOEUGİŞM, 50 kq) və İlknur Rəhimli (Sumqayıt şəhəri İOEUGİM, 48 kq) üçüncü yeri tutublar.
Qeyd edək ki, turnirin yekununda idmançıların reytinq siyahısı formalaşıb.
