Karate üzrə 5 qat dünya çempionu Sumqayıtlı Rəfael Ağayevin Tokio 2020 olimpiyadasında rəqibləri bəlli oldu.
Ağayev B qrupunda 75 kq çəki dərəcəsində alman Noa Biç, italyan Luici Busa, avstraliyalı Çuneari Yahiro və qazax Nurkanat Ajiqanovla üz-üzə gələcək. İlk iki yeri tutan idmançı yarımfinala yüksələcək. Görüşlərə 6 avqust tarixində start veriləcək.
O, daha öncə də Bakıda keçirilən Avropa oyunlarının yarımfinalında Noa Biç üzərində 1:0 qalib gəlmişdi, finalda isə italiyalı Busanı üstələyərək qızıl medal qazanmışdı.
Karate tarixində ən çox titula sahib olan Rəfael Ağayev 5 qat dünya, 11 qat avropa çempionudur. lX Dünya oyunlarının və Dünya Döyüş Oyunlarının qalibidir. Birinci Avropa və İslam Həmrəylik oyunlarının (2013, 2015) qızıl mükafatçısıdır. Karateçimiz - 5-ci dan sahibi və Azərbaycanın karate üzrə millisinin kapitanıdır. Yüksək nailiyyətlərinə görə ona “Karatenin brilliantı” ləqəbi verilib.
