Sumqayıt idmançısı qitə birinciliyini qazanıb.
Sumqayit24.az xəbər verir ki, Şimali Makedoniyanın paytaxtı Skopyedə yunan-Roma güləşi üzrə U17 Avropa çempionatı keçirilib. Pəhləvanımız Rihad İbrahimli (110 kq) finalda bolqarıstanlı Denis Lazarovla üz-üzə gəlib. İlk hissəni minimal fərqlə öndə tamamlayan Sumqayıt güləş məktəbinin yetirməsi fasilədən sonra rəqibinə göz açmağa imkan verməyib.
Həmyerlimiz “tuş”la qələbə qazanaraq Avropa çempionu olub.
