Sumqayıtda fiziki məhdudiyyətli idmançılar arasında üzgüçülük üzrə açıq şəhər çempionatı keçirilib.
Sumqayit24.az xəbər verir ki, yarış Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Paralimpiya İdman Kompleksi, Abşeron–Xızı Regional Gənclər və İdman İdarəsi və Azərbaycan Üzgüçülük Federasiyası tərəfindən təşkil olunub.
Məlumata görə, agentliyin 1 saylı Uşaq evi sosial xidmət müəssisəsinin sakini Adil Həsənov S5 kateqoriyası üzrə 50 metr sərbəst üsulla üzməkdə üçüncü yerə çıxıb. O, medal və diplomla təltif edilib.
