"Sumqayıt"ın əvəzedici heyətinin baş məşqçisi bəlli olub.
Bu barədə Sumqayit24.az -a açıqlamasında klubun mətbuat katibi Zaur Xudiyev məlumat verib.
O bildirib ki, əsas komandanın baş məşqçisi vəzifəsindən ayrıldığı zaman klub olaraq Vaqif Cavadovla əməkdaşlığımızın davam edəcəyini qeyd etmişdik:
“Onun həm gənclərlə işləmək təcrübəsinin zənginliyini və futbolçuları yaxşı tanımasını nəzərə alaraq, əvəzedici heyətin yenidən baş məşqçisi vəzifəsinə təyin olunması qərara alındı”, – deyə mətbuat katibi bildirib.
