Sumqayıtlı veteran cüdoçular Azərbaycan çempionatında yüksək nəticələr əldə ediblər. Bu barədə 25 fevral tarixində Sumqayıt24 Gənclər və İdman Baş idarəsinə istinadən xəbər verir.
Yarışda 3 yaş kateqoriyası üzrə 19 çəki dərəcəsində 88 cüdoçu medallar uğrunda mübarizə aparıb. Maraqlı idman mübarizəsi şəraitində keçən yarışda şəhərin veteran cüdoçuları - Əfqan Abdullayev (M-1 60 kq), Bəhruz Həsənov (M-2 60 kq) və Emil Hüseynov (M2 -100 kq) bütün rəqiblərinə qalib gələrək fəxri kürsünün ən yüksək pilləsinə qalxıblar. Zamin Canıyev (M1 60 kq) və Natiq Qasımov (M3 81 kq) isə yarışın gümüş medalına sahib olublar.
Turnir Gənclər və İdman Nazirliyinin və Azərbaycan Cüdo Federasiyasının birgə təşkilatçılığı ilə baş tutub.
