“Sumqayıt” FK yeni məşqçinin rəhbərliyi altında ilk məşqinə çıxıb. Sumqayıt24 bu barədə 27 sentyabr tarixində kluba istinadən xəbər verir.
Məşqdən öncə 44 yaşlı mütəxəssis Samir Abasov klub rəhbərliyi tərəfindən kollektivə təqdim olunub. Təxminən 1,5 saat davam edən məşqdə daha çox toplu çalışmalara üstünlük verilib.
Qeyd edək ki, Samir Abasovun məşqçilər korpusunda Seymur Rəhimov, Vəfadar Quliyev, Mübariz Orucov, Qoran Başiç və Emil Babayev yer alacaq.
