Sumqayıtda Zəfər Gününə həsr olunmuş şahmat yarışı keçirilib. Sumqayıt24 bu barədə 4 noyabr tarixində Xeberle.com-a istinadən məlumat verir.
Turnir N.Gəncəvi adına Texniki və Təbiət Elmləri Liseyində baş tutub. Yarışda liseyin 3a sinfinin şagirdləri zəkalarını yoxlayıblar. Öncə 3a-nın sinif rəhbəri Günay Əhmədzadə Zəfər Günü haqqında şagirdlərə geniş məlumat verib, həmin günün əhəmiyyətindən danışıb.
Sonra şagirdlər qruplara bölünərək şahmat taxtasında öz bacarıqlarını nümayiş etdiriblər. Gərgin və maraqlı idman mübarizəsi şəraitində keçən yarışmada Duyğu Yəhya, Renat Mahmudov və Ömər Ağazadə qalib olublar. Qalib şagirdlərə kuboklar təqdim olunub. Digər iştirakçılara isə Fəxri Fərmanlar verilib.
