Sumqayıtda baş verən cinayətin təfərrüatları bəlli olub. Sumqayıt24 bu haqda 14 dekabr tarixində Qafqazinfo.az-a istinadən xəbər verir.
Qətlə yetirilən 47 yaşlı 3 qız atası Mahir Allahverdiyev Qubadlı rayonu, Xocamusaqlı Kənd İnzibati nümayəndəliyinin sədr müavini idi. Daha əvvəl isə uzun müddət "Azərişıq"da işləyib. O, şəhid Vüsal Allahverdiyevin əmisi, həm də Birinci Qarabağ müharibəsi qazisi idi.
Hadisəni törədməkdə şübhəli bilinən 19 yaşlı Murad Kazımov isə 3-cü kurs tələbəsidir. O, ailəsinə dəstək məqsədilə dərsdən sonra işləyirmiş.
Bildirilir ki, qətl hadisəsi M. Allahverdiyevin yaşadığı binanın önündə baş verib. Axşam saatlarında Murad ona zəng edərək küçəyə çıxmasını istəyib. O, kişini 17 bıçaq zərbəsi ilə öldürüb.
Araşdırmalar aparılır.
