17 nəfərə qarşı edilən dələdzluğa görə həbs olunmuş Sumqayıt şəhər 1 saylı vəkil bürosunun vəkili Qəhrəman Pirməmmədovun şikayəti təmin edilməyib. Bu haqda bu gün, 3 dekabr tarixində Trend məlumat yayıb.
Məlumata görə, ilk öncə Pirməmmədov həmkarı Könül Salehovanın hüquqlarını müdafiə etdiyi Vüsal Rəhimovun işini “həll etmək” adı ilə 12 min manat alıb. O, həmkarına Vüsala veriləcək cəzanın yüngülləşdirəcəyini vəd edib, amma iş məhkəməyə çatınca onun yalan dediyi məlum olub.
Araşdırma nəticəsində məlum olub ki, bundan əlavə Qəhrəman bir vətəndaşdan mənzilini zəbt edən məcburi köçkünləri məhkəmə qərarı əsasında çıxaracağı adlı ilə 2000 manat alıb. Beləliklə, adıçəkilən vəkil ümumilikdə dələduzluq yolu ilə 24-30 min civarında pul mənimsəyib.
Q.Pirməmmədov 2019-cu ildə Sumqayıt şəhər məhkəməsinin hökmü ilə 2 il müddətinə azadlıqdan məhrum edilmiş və məhkəmə zalında həbs edilmişdir. Daha sonra o, ikinci dəfə Yasamal rayon Məhkəməsinin hökmü ilə qəti olaraq 4 il müddətinə azadlqıdan məhrum edilib.
