Amerika Birləşmiş Ştatlarına getmək istəyən Sumqayıt sakini dələduzluqla üzləşib. Sumqayıt24 bu haqda 14 dekabr tarixində Lent.az-a istinadən xəbər verir.
İttiham aktına görə, şəhər sakini İ. Məmmədov viza almaq üçün V. Cəlilov adlı şəxsdən kömək istəyib. Bu məqsədlə V. Cəlilova 6498 manat pul versə də, vizanı ala bilməyib.
Aldanıldığını görən Məmmədov hüquq-mühafizə orqanlarına müraciət edib. Cəlilov barəsində Cinayət Məcəlləsinin “dələduzluq, xeyli miqdarda törədildikdə” maddəsi ilə cinayət işi başlanıb.
Cinayət işinə Sumqayıt şəhər məhkəməsində baxılacaq.
