Sumqayıt sakininə qarşı kiberoğurluq edən şəxs saxlanılıb. Bu barədə 24 dekabr tarixində Sumqayıt24 Daxili İşlər Nazirliyinin mətbuat xidmətinə istinadən məlumat verir.
Şəhər sakininin itirdiyi bank kartından 390 manatın oğurlanması barədə polisə məlumat daxil olub.
4-cü Polis Bölməsinin əməkdaşları əməli törətməkdə şübhəli bilinən şəhər sakini Elmir Musayevi müəyyən edərək saxlayıblar. O, əvvəllər narkotiklərlə əlaqəli cinayətə görə məhkum olunub. Şəxsi axtarış zamanı ondan metamfetamin aşkar olunaraq götürülüb.
Faktla bağlı araşdırma aparılır.
