H.Z. Tağıyev qəsəbəsində binanın zirzəmisindən oğurluq edilib. Bu məlumat Sumqayıt24-ə 5 noyabr tarixində daxil olub.
Hadisə dünən gecə saatlarında, Fərrux Qayıbov kuçəsi, bina 13-də baş verib. Naməlum şəxslər blokun kodlu qapısını yerindən çıxararaq onu aparmaq istəyiblər, lakin niyyətlərinə çata bilməyiblər.
Bu zaman onlar zirzəminin qapısını açaraq içəridə olan qazan (yas zamanı istifadə edilən), 50 kq şəkər tozu, 10 litr duru yağ, mürəbbə və yuyucu tozu götürərək uzaqlaşıblar. Sakinlər qeyd edirlər ki, bu ilk belə olay deyil.
Oğuruluqla bağlı polis bölməsinə müraciət ünvanlanıb.
