Sumqayıtda narkotik alverçisi saxlanılıb. Sumqayıt24 bu haqda 1 mart tarixində Daxili İşlər Nazirliyinə (DİN) istinadən xəbər verir.
1-ci Polis Bölməsinin əməkdaşları tərəfindən tutulan Corat qəsəbəsi sakini Tahir Quliyev əvvəllər də narkotik vasitələrin qanunsuz dövriyyəsi ilə məşğul olduğu üçün məhkum edilib.
Onun üzərindən satış üçün əldə etdiyi 3 kiloqrama yaxın heroin aşkar olunub. T. Quliyev qəsəbədə narkotik satdığını etiraf edib.
Qeyd edək ki, 1-ci Polis Bölməsinin əməkdaşları tərəfindən ilin əvvəlindən, əsasən, Corat qəsəbəsi və ətraf ərazilərdə eyni əməllərə görə 30 nəfər saxlanılıb. Onlardan külli miqdarda müxtəlif adda narkotik vasitə və psixotrop maddələr götürülüb.
