Özünü “İctimai Nəzarət Koalisiyası” İB-nin sədri kimi təqdim edən Rasim Məmmədova hökm oxunub. Sumqayıt24 bu haqda 1 fevral tarixində Pravda.az-a istinadən xəbər verir.
Sumqayıt Şəhər Məhkəməsində hakim Elçin Məmmədovun sədrliyi ilə keçirilən prosesdə o, 2 il 6 ay müddətinə azadlıqdan məhrum edilib.
Rəsmi məlumata əsasən, R. Məmmədov 17 sentyabr 2021-ci ildə Sumqayıtda yerləşən “Azmetal” MMC-yə gələrək oranın direktor müavini Ramiz Hüseynovu əsaslı səbəb olmadan söyüb və çölə çıxmasını tələb edib.
R. Hüseynov həyətə düşdükdən sonra R. Məmmədov onu təkrarən söyüb və mobil telefonla MMC-nin anbardarı Sabir İsmayılovun baş nahiyəsinə 3 dəfə vurub. Ona qarşı müxtəlif dərəcəli bədən xəsarəti yetirməklə qərəzli xuliqanlıq hərəkətləri edib.
