Bakı Metropolitenində terror aktının törədiləcəyi ilə bağlı səs yazısı yayan Sumqayıt sakini saxlanılıb. Bu haqda 11 mart tarixində Sumqayıt24 Dövlət Təhlükəsizliyi Xidmətinə (DTX) istinadən xəbər verir.
Dövlət Təhlükəsizliyi Xidməti zəruri istintaq-əməliyyat tədbirləri keçirib. Faktla bağlı başlanılmış cinayət işi üzrə aparılan ibtidai araşdırma zamanı müvafiq səs yazısının Sumqayıt şəhərində yaşayan 22 yaşlı Fərid Butayevə məxsus olduğu və sözügedən materialın həmin şəxs tərəfindən “WhatsApp” tətbiqi vasitəsilə paylaşıldığı müəyyən edilib.
F. Butayev saxlanılaraq Cinayət Məcəlləsinin müvafiq maddəsi ilə təqsirləndirilən şəxs qismində məsuliyyətə cəlb edilib.
