Narkotik vasitələrin qaçaqmalçılığı ilə məşğul olan Sumqayıt sakinləri saxlanılıblar. Bu haqda 10 aprel tarixində Sumqayıt24 Dövlət Sərhəd Xidmətinə (DSX) istinadən xəbər verir.
DSX-nın “Göytəpə” sərhəd dəstəsinin və Cəlilabad rayon polis şöbəsinin əməkdaşları birgə əməliyyat tədbiri keçiriblər. Nəticədə dövlət sərhədindən narkotik vasitələrin qaçaqmalçılığı ilə məşğul olan və 77-EX-379 dövlət qeydiyyat nişanlı “Prius” markalı avtomobillə ərazidən uzaqlaşmağa cəhd göstərən Sumqayıt şəhər sakinləri 41 yaşlı Çoşqun Əsgərxanov və 26 yaşlı Murad Şahbazlı saxlanılıblar.
Avtomobilə baxış zamanı ümumi çəkisi 22 kiloqram 570 qram olan narkotik vasitə aşkar olunub.
Fakt üzrə əməliyyat-istintaq tədbirləri davam etdirilir.
