Sumqayıtda qadınları fahişəliyə cəlb edən şəxsə hökm oxunub. Sumqayıt24 bu haqda 24 yanvar tarixində Yenicag.az-a istinadən xəbər verir.
Füzuli rayon sakini, 53 yaşlı T. Əliyeva Sumqayıtda və paytaxt ərazisində tanış olduğu 5 qadını fahişəliyə cəlb edib. Onların müxtəlif ünvanlarda kişilərlə görüşünü təşkil edərək, maddi qazanc götürüb. Bir çox hallarda həmin qadınları öz avtomobili ilə hotellərə və digər ünvanlara çatdırıb.
Nərimanov Rayon Məhkəməsində keçirilən prosesdə zərərçəkmiş şəxs qismində tanınan 5 qadın ondan şikayətçi olmayıb. Buna rəğmən T. Əliyeva 1 il müddətinə azadlıqdan məhrum edilib.
Qeyd edək ki, həbs edilən qadın daha əvvəl də bu əməllərə görə məhkəmə tərəfindən cəzalandırılıb və həmin vaxt 480 saat ictimai işlər cəzası alıb.
