Sumqayıtda müştəri satıcıya xəsarət yetirib. Sumqayıt24 bu haqda 7 yanvar tarixində Pravda.az-a istinadən xəbər verir.
Hadisə “Qayalı” marketdə qeydə alınıb. Şəhər sakini, 37 yaşlı Lalə Əliyeva (ad-soyad şərti) iki uşağı ilə birgə marketə gəlib. O, paltar almaq istəyəndə qiymətin üzərində olmadığını görüb və satıcı Sənəm Həsənovadan (ad-soyad şərti) soruşub. Lalənin ifadəsində dediyinə görə, satıcı ona kobud cavab verib. Bu zaman mübahisə düşüb. Nəticədə Lalə Sənəmi təhqir edərək hər kəsin yanında üzünə yumruqla vurub. Hadisə zamanı marketdə olan şəxslər qadınları ayırıblar.
Şikayət əsasında saxlanılan Lalə Əliyeva barəsində xuliqanlıq maddəsi ilə cinayət işi başlanılıb, başqa yerə getməmək haqqında iltizam qətimkan tədbiri seçilib.
Sumqayıt Şəhər Məhkəməsində hakim Fikrət Əliyevin sədrliyi ilə keçirilən prosesdə ona hökm oxunub. Qərara əsasən, qadın 1000 manat cərimələnib.
