Saray qəsəbəsində narkotik alveri ilə məşğul olan 8 nəfər saxlanılıb. Bu haqda Daxili İşlər Nazirliyinin saytına istinadən xəbər veririk.
Polis İdarəsinin Narkotiklərlə Mübarizə Bölməsinin əməkdaşları tərəfindən həmin şəxslərin üzərində külli miqdarda heroin və metamfetamin aşkar edilib. Saxlanılanlar izahatlarında narkotiklərin qanunsuz dövriyyəsi ilə məşğul olduqlarını etiraf ediblər.
Bundan əlavə, həmin şəxslər Masazır qəsəbəsində və Xırdalan şəhərində də narkotik alveri ilə məşğul olublar.
Hazırda faktla bağlı araşdırma aparılır və bu şəxslərin daxil olduğu şəbəkənin digər üzvlərini tapmaq üçün əməliyyat-axtarış tədbirləri davam etdirilir.
