Sumqayıtda birləşmiş məhəllə adlanan ərazidə son 10 gün ərzində bir neçə oğurluq hadisəsi baş verib. Sumqayıt24 bu haqda BakuTV-yə istinadən yazır.
Məlumata görə, məhəllə ərazisində yerləşən 76 saylı binadan su sayğacları və digər əşyalar oğurlanıb.
Sakinlərin sözlərinə görə, hadisələr gecə saatlarında, naməlum şəxslər tərəfindən törədilib. Həmin şəxslər binanın girişindən 4 ədəd su nasosu, sayğaclar, avtomobil akkumulyatoru və bir ədəd dəmir oturacaq aparıblar.
Sakinlər faktla bağlı polisə müraciət ediblər və hazırda araşdırma aparılır.
