Sumqayıtda iki polis əməkdaşı bıçaqlanıb. Bu haqda Baş Prokurorluğun rəsmi Telegram səhifəsinə istinadən xəbər veririk.
Hadisə “Azpetrol” yanacaqdoldurma məntəqəsinin yaxınlığında baş verib. Araşdırma zamanı müəyyən edilib ki, сinayət-axtarış şöbəsinin əməliyyat müvəkkili Xəqani Məmmədovu və kiçik inspektor Orxan Baxşəliyevi paytaxt sakini Ağa Əzimov bıçaqlayıb.
Əzimov cinayəti törətdikdən sonra hadisə yerindən uzaqlaşıb, lakin qısa zamanda polis əməkdaşları tərəfindən saxlanılıb.
Faktla bağlı “Hakimiyyət nümayəndəsinə qarşı müqavimət göstərmə və ya zor tətbiq etmə” maddəsi ilə cinayət işi başlanılıb.
Hazırda iş üzrə istintaq davam edir.
