Sumqayıt şəhərində cari ilin yanvar ayı ərzində narkotik vasitələrin qanunsuz dövriyyəsi ilə məşğul olan 43 nəfər saxlanılıb. Sumqayıt24 bu haqda 6 fevral tarixində Apa.az-a istinadən xəbər verir.
Polis əməkdaşlarının keçirdikləri əməliyyat-axtarış tədbirləri nəticəsində həmin şəxslərdən 7 kq-dan artıq müxtəlif növ narkotik vasitələr və psixotrop maddələr müsadirə edilib. 6,9 kq güclü təsiredici maddə dövriyyədən çıxarılıb.
Şəki qeydiyyatında olan, amma Binə qəsəbəsində yaşayan 28 yaşlı Rauf Ələkbərlidən 1 kq-dan artıq narkotik vasitə götürülüb. Adıçəkilən şəxs İran vətəndaşı ilə əvvəlcədən razılaşıb, 1 000 manat pul müqabilində narkotik vasitələri müxtəlif yerlərə çatdırırmış.
