Sumqayıtda sərnişinlər taksiçini soyublar. Sumqayıt24 bu barədə 21 fevral tarixində Daxili İşlər Nazilriyinə (DİN) istinadən xəbər verir.
Hadisə dünən axşam saatlarında 17-ci mikrorayonda baş verib. Şəhər sakini M. Hümbətovun “Khazar” markalı avtomobilində olan 2 sərnişin onu bıçaqla hədələyərək 215 manatını, mobil telefonunu və maşını talayıblar.
1-ci Polis Bölməsi əməkdaşları tərəfindən quldurluq əməlində şübhəli bilinən Ayşət Tağıyev və əvvəllər məhkum olunmuş Ramin Şalbuzov saxlanılıblar.
Sumqayıt Şəhər Polis İdarəsində araşdırma aparılır.
