Sumqayıt sakini idmançını bıçaqlayaraq öldürüb. Sumqayıt24 bu barədə 28 noyabr tarixində xəbər verir.
Hadisə noyabrın 26-sı paytaxtın Xəzər rayonunun Şağan qəsəbəsində yerləşən idman arenasında baş verib. 20 yaşlı Sumqayıt şəhər sakini Ruslan Səfixanov şəxsi münasibətlər zəminində aralarında yaranan mübahisə zamanı 16 yaşlı Turan Rüstəmova bıçaqla xəsarətlər yetirərək onu öldürüb.
Mübahisəyə səbəb Turan Rüstəmovun ayağını oturacağın üzərinə qoyması olub. Ruslan isə bunu Turana irad bildirib. Nəticədə tərəflərin mübahisəsi qanla yekunlaşıb.
Ruslan şübhəli şəxs qismində saxlanılaraq istintaqa təhvil verilib. Faktla bağlı Cinayət Məcəlləsinin “qəsdən adam öldürmə” maddəsi ilə cinayət işi başlanıb.
Qeyd edək ki, cüdoçu Ruslan Səfixanov cüdo üzrə əməkdar məşqçi Elçin Səfixanovun oğludur.
