Saray qəsəbəsində kişi hamilə arvadını öldürüb. Sumqayıt24 bu barədə 22 oktyabr tarixində Abşeron rayon Prokurorluğuna istinadən xəbər verir.
Oktyabrın 22-si saat 01:00 radələrində Saray qəsəbəsinin sakini, 27 yaşlı Səidə Nəmətovanın yaşadığı evdə öldürülməsi barədə rayon prokurorluğuna məlumat daxil olub.
Oktyabrın 21-i saat 22:00 radələrində 28 yaşlı Vüqar Nəmətov 7 yaşlı qızını döyərkən, anası uşağını qorumağa çalışıb. V.Nəmətov hamilə vəziyyətdə olan həyat yoldaşını dəmir materialdan olan boru ilə vuraraq qətlə yetirib.
Faktla bağlı “təqsirkar şəxs üçün aşkar surətdə hamilə vəziyyətində olan qadını öldürmə” maddəsi ilə cinayət işi başlanıb.
Vüqar Nəmətov şübhəli şəxs qismində tutularaq istintaqa cəlb edilib.
