Oğurluqda şübhəli bilinən Sumqayıt sakini saxlanılıb. Sumqayıt24 bu haqda 28 fevral tarixində Daxili İşlər Nazirliyinə (DİN) istinadən xəbər verir.
Zərdab rayonunun Hüseynxanlı, Gəlmə, İsaqbağı və Qaravəlli kəndləri ərazisində yerləşən 6, eləcə də şəhər ərazisində 1 transformatordan ümumilikdə 24 ədəd elektrik açarı oğurlanıb. Rayonun elektrik şəbəkəsinə 7100 manat ziyan vurulub.
Rayon Polis Şöbəsinin və Sumqayıt Şəhər Polis İdarəsinin əməkdaşları tərəfindən şübhəli qismində Sumqayıt sakini Elnur Əsədov və paytaxt sakini Kamal Piriyev istintaqa cəlb olunublar.
Onlar həmin açarların bir qismini dəyərindən ucuz qiymətə satıb, əldə etdikləri pulları öz aralarında bölüblər. Elektrik açarlarının bir qismi, eləcə də oğurluqda istifadə olunmuş alətlər polis tərəfindən maddi sübut kimi götürülüb.
Faktla bağlı Zərdab RPŞ-nin İstintaq Qrupunda cinayət işi başlanılıb, araşdırmalar davam etdirilir. [modula id="32491"]
