Tanınmış müğənni 10 yaşlı Nuray Şahsuvarlının ifasını paylaşıb. Sumqayıt24 bu haqda 15 iyul tarixində xəbər verir.
Zamiq Hüseynov Azərbaycan xalq mahnılarını oxuyan balaca qızın videosunu öz sosial şəbəkə hesabında paylaşıb və bu sözləri əlavə edib:
"Sənə tərbiyə verən valideynlərinin qarşısında min dəfə baş əyirəm, ananın əllərindən öpürəm. Sənə TikTok musiqilərini yox, kökümüzü sevdirib. Sənə bizim nə qədər zəngin mədəniyyətimiz olduğunu, nə qədər dərin mədəniyyətə malik olan bir xalq olduğumuzu öyrədib. Biz dahilər yurdunun övladlarıyıq. Allah səni xoşbəxt eləsin. Sən bu gün bütün uşaqlara nümunəsən.
Bu necə oxumaqdır? Bu yaşda bu nə hissiyatdır? Bu nə xırdalıqlardır? Gözümü yumuram, elə bilirəm Şövkət Ələkbərova, Fatma Mehrəliyeva, Rübabə Muradova oxuyur. Sən məni xoşbəxt etdin".
