Sumqayıt şəhər Uşaq Xəstəxanasında “Heydər Əliyev ili” çərçivəsində tədbir keçirilib. Bu haqda 11 oktyabr tarixində Sumqayıt24 Sumqayıt Tibb Mərkəzinə (STM) istinadən məlumat verir.
18 Oktyabr – Müstəqilliyin Bərpası Günü ilə bağlı keçirilən tədbir "Əbədi və sarsılmaz müstəqillik" mövzusuna həsr olunub.
Toplantını giriş sözü ilə açan xəstəxananın baş həkim əvəzi Esmira Hüseynova ulu öndərin istər sovet dövründə, istərsə də müstəqil Azərbaycana rəhbərlik etdiyi illərdə dövlətçiliyin möhkəmləndirilməsində, milli ruhun, azərbaycançılıq məfkurəsinin yüksəldilməsində xidmətlərindən bəhs edib.
Digər çıxış edənlər – Yoluxucu xəstəliklər şöbəsinin böyük tibb bacısı Tünzalə Babayeva və Travmatologiya şöbəsinin böyük tibb bacısı Nuridə Məhərrəmova bildiriblər ki, ümummilli liderin ideyaları Azərbaycanın dünəni, bu günü və gələcəyinə hesablanmış fəaliyyət proqramı, strategiya, dövlət konsepsiyasıdır.
