“7A marşrutlarının əksər avtobusları nasaz vəziyyətdədir”.
Sumqayıt sakinləri bunu Sumqayi24.az-a ünvanladıqları şikayətdə bildiriblər. Belə ki, dünən bu marşrut xəttinin sərnişin dolu daha bir avtobusu sıradan çıxıb.
“Yol gedərkən qəfil içərini qatı tüstü bürüdü. Bu, artıq ikinci dəfə təkrarlanır. Həmçinin mühərrikin işləməsini təmin edən kəmər qopdu, bu da avtobusun dayanmasına və sərnişinlər arasında ciddi təşvişin yaranmasına səbəb oldu. Belə hallar sərnişinləri ciddi şəkildə təhlükə altına atır. Heyif ki, hələ də avtobuslara lazımi diqqəti göstərmirlər”, - deyə şikayətçilər vurğulayıblar.
