Abşeron-Xızı Regional Gənclər və İdman İdarəsində kadr dəyişikliyi baş verib. Bu haqda 12 avqust tarixində Sumqayıt24 Report.az-a istinadən məlumat verir.
Gənclər və idman naziri Fərid Qayıbov müvafiq əmr imzalayıb. Əmrə əsasən, uzun illər Gənclər və İdman Nazirliyində çalışan Fuad Babayev Abşeron-Xızı Regional Gənclər və İdman İdarəsinin rəisi vəzifəsinə təyin olunub. O, bu təyinatadək nazirliyin Gənclərlə iş şöbəsinin müdiri vəzifəsində çalışıb.
Nazirin digər əmri ilə Abşeron-Xızı Regional Gənclər və İdman İdarəsinin rəis müavini vəzifəsi Rüfət Mahmudzadəyə həvalə edilib.
R.Mahmudzadə son təyinata qədər Sumqayıt şəhər Gənclər və İdman Baş İdarəsinin rəis müavini vəzifəsində çalışıb.
