Sumqayıt şəhər Ağsaqqallar şurasının inzibati binasında tədbir keçirilib. Sumqayıt24 bu haqda 8 sentyabr tarixində xəbər verir.
Ulu öndər Heydər Əliyevin 100 illik yubileyinə həsr olunmuş görüşə icra başçısı Zakir Fərəcov da qatılıb. Şuranın sədri Təbrik Quliyev Heydər Əliyevin mənalı və şərəfli həyat yolundan danışıb.
Zakir Fərəcov vurğulayıb ki, 74 yaşlı Sumqayıtın da müasir inkişafı vaxtilə Heydər Əliyevin yaratdığı möhkəm təməllərə əsaslanır. Ulu öndər Azərbaycana rəhbərliyi dövründə 16 dəfə Sumqayıta səfər edib. Şəhərimiz bu gün Heydər Əliyevin arzuladığı bir şəhərə çevrilib.
