Dəmiryol keçidində qəza olub. Sumqayıt24 bu haqda 29 avqust tarixində Report.az-a istinadən xəbər verir.
"Azərbaycan Dəmir Yolları"na (ADY) məxsus teplovoz Sumqayıt-Çay mənzilində hərəkətdə olarkən qəzaya uğrayıb. Belə ki, "Azsamand" markalı avtomobil dəmiryol keçidini keçməyə cəhd edərək qatara çarpılıb.
Xəsarət alan sürücü və sərnişin təcili tibbi yardım briqadasının köməyi ilə xəstəxanaya çatdırılıblar.
ADY bir daha sürücüləri dəmir yolu keçidlərinə yaxınlaşarkən sürət həddini aşağı salmağa, yüksək sayıqlıq göstərməyə və keçidin qatardan boş olduğuna tam əmin olduqdan sonra hərəkətlərini davam etdirməyə çağırır
