"Bakı Hərrac Mərkəzi" MMC-də ləğv prosesində olan “Dəmir Bank” ASC-nin daşınmaz əmlakının satışı üzrə açıq hərrac keçiriləcək. Sumqayıt24 bu haqda 7 sentyabr tarixində Report.az-a istinadən xəbər verir.
Bankların ləğvedicisi – Azərbaycan Əmanətlərin Sığortalanması Fondunun (ƏSF) yaydığı məlumata görə, söhbət bankın Saray qəsəbəsindəki 387 kv.metrlik fərdi yaşayış evindən gedir.
Daşınmaz əmlaka 150 min manat qiymət qoyulub. Hərrac sentyabrın 28-də təşkil olunacaq.
