Azərbaycan vətəndaşı Cavid Hüseynlinin ekstradisiyası haqqında qərar qəbul olunub. Bu haqda 19 yanvar tarixində Sumqayıt24 Apa.az-a istinadən məlumat verir.
Sumqayıt şəhər polis idarəsində ibtidai istintaqı aparılan cinayət işi üzrə Cavid Hüseynlinin Cinayət Məcəlləsinin “silahdan və ya silah qismində istifadə olunan əşyalardan istifadə edilməklə xuliqanlıq” maddəsində nəzərdə tutulmuş cinayət əməlini törətməsinə əsaslı şübhələr müəyyən edilib. Onun barəsində beynəlxalq axtarış elan edilib.
C. Hüseynli yanvarın 18-də Gürcüstan ərazisində saxlanılıb. O, Ədliyyə Nazirliyi Penitensiar Xidmətin xüsusi konvoyunun müşayiəti ilə Azərbaycana gətirilib.
