Sumqayıtda bina sakinləri zirzəmilərinin və mansardlarının qanunsuz olaraq satıldığını iddia edirlər. Bu haqda 28 iyul tarixində Sumqayıt24 Baku TV-yə istinadən məlumat verir.
Söhbət 1-ci mikrorayonda yerləşən 340 sakinin yaşadığı binadan gedir. Bina sakinləri iddia edirlər ki, onlara verilən vədlərin heç biri yerinə yetirilməyib.
“2005-ci ildə bu kompleksdən ev almışam. Binanın həyətində yaşıllıq kompleksi, uşaqların əyləncəsi üçün istirahət zonaları, binanın alt hissəsində parkinq üçün ərazi olacağı deyilsə də, bunların heç biri yoxdur”, - deyə sakin qeyd edib.
FHN-in Sumqayıt Regional İdarəsindən tikilinin təhlükəsizlik qaydalarına riayət olunmaması ilə bağlı bildirilib ki, sakinlərin müraciətindən sonra məsələyə baxılaraq araşdırma aparıla bilər.
