2001-ci ilin 9 avqustunda Prezident Heydər Əliyev “Azərbaycan Əlifbası və Azərbaycan Dili Gününün təsis edilməsi haqqında” Fərman imzaladı. Bu Fərmanla 1 Avqust - Azərbaycan Əlifbası və Azərbaycan dili Günü elan edilib.
1929-cu ildə Azərbaycanda kütləvi şəkildə latın qrafikalı əlifba tətbiq edildi. 1940-cı ildə kiril qrafikalı əlifbaya keçmək haqqında qərar qəbul olundu. Məhz 1 avqust 1990-cı ildə yaradılmış Azərbaycan Əlifba Komissiyasının tərtib etdiyi yeni əlifba 1992-ci ildə təsdiq edilmişdir.
Ümummilli lider Heydər Əliyevin sözlərindən: “Dil ədəbiyyatla, mədəniyyətlə, mənəviyyatla bağlıdır. Bunlarsız isə vətənpərvərlik formulu yoxdur”.
