Bu gün Vətən müharibəsi şəhidi Əlizamin Mustafalının doğum günüdür.
Əlizamin Valeh oğlu Mustafalı 1997-ci il 1 sentyabr tarixində Beyləqan rayonunda anadan olub. Orta təhsilini İ.Qayıbov adına Sumqayıt şəhər 1 nömrəli tam orta məktəbində alıb. 2015-ci ildə 3 nömrəli peşə liseyini bitirib.
Peşə təhsilindən sonra Azərbaycan Silahlı Qüvvələrinin sıralarında müddətli həqiqi hərbi xidmətə çağrılıb. Hərbidə ixtisası DŞK pulemyot atıcısı olub. 2020-ci il iyul döyüşləri zamanı, General Polad Həşimov şəhid olandan sonra cəbhədə döyüşmək üçün könüllü yollanıb.
Sentyabrın 27-də başlanan Vətən müharibəsidə Cəbrayıl, Füzuli və Hadrut istiqamətində gedən döyüşlərdə olub. Əlizamin Mustafalı oktyabrın 21-də Hadrut istiqamətində gedən döyüşlər zamanı şəhid olub. Sumqayıt Şəhidlər xiyabanında dəfn olunub.
Mustafalı ölümündən sonra "Vətən uğrunda" və "Xocavəndin azad olunmasına görə" medalları ilə təltif edilib.
