Bu gün, oktyabrın 25-i Vətən müharibəsi şəhidi Tərlan Fətullayevin anım günüdür.
Tərlan Amanşah oğlu Fətullayev 1989-cu il mayın 15-də Sumqayıt şəhərində anadan olub.
Azərbaycan Ordusunun əsgəri olan Tərlan 2020-ci il sentyabrın 27-də başlanan Vətən müharibəsi zamanı Cəbrayıl, Füzuli, Xocavənd rayonlarının azad olunması uğrunda gedən döyüşlərdə iştirak edib. Fətullayev Cəbrayılın azadlığı uğrunda gedən döyüşlərdə şəhid olub. Sumqayıt şəhərinin Şəhidlər xiyabanında dəfn olunub.
Prezident İlham Əliyevin Sərəncamına əsasən, Tərlan ölümündən sonra "Vətən uğrunda" və "Cəbrayılın azad olunmasına görə" medalları ilə təltif edilib.
