Sumqayıtda elektrik cərəyanı vuran 13 yaşlı Aslan Əliyev növbəti dəfə əməliyyat olunacaq. Bu haqda 19 dekabr tarixində Sumqayıt24 Bizim.Media-ya istinadən məlumat verir.
Bu barədə yeniyetmənin bibisi Qərənfil Əliyeva məlumat verib. Onun sözlərinə görə Aslan Əliyev evə 10 günlük buraxılır, daha sonra yenə əməliyyata alınacaq:
“İki aydır Aslan xəstəxanadadır. 8 dəfə əməliyyat olunub. Hələ tam bərpa olunmayıb. Yanıq aldığı yerlər o qədər dərindir ki, bədəninin digər nahiyələrindən kəsib, yaralarını sağaltmağa çalışırlar. Uşaq çox əziyyət çəkir. Boynundan aldığı yanıq xəsarətləri sümüyünə qədər işləyib. Ağrılardan və əməliyyatlardan təngə gəlib. Yaddaş pozğunluğundan əziyyət çəkir”.
Daha əvvəl saxtakarların Aslan Əliyevin adından pul yığıldığı haqda məlumat vermişdik.
