Corat qəsəbəsində yerləşən çimərlikdə sahilyanı təmizlik aksiyası keçirilib. Sumqayıt24 bu haqda 30 sentyabr tarixində xəbər verir.
Tədbir IDEA İctimai Birliyi və Bakı Dövlət Universitetinin “Ekologiya və torpaqşünaslıq” fakültəsinin birgə təşkilatçılığı, Ekologiya və Təbii Sərvətlər Nazirliyi və “Təmiz Şəhər” ASC-nin dəstəyi ilə baş tutub.
İməcilikdə Bakı Dövlət Universitetinin 300-dən çox tələbəsi, Ekologiya və Təbii Sərvətlər Nazirliyinin nümayəndələri və könüllüləri də aktiv iştirak ediblər. Onlar 3 hektardan artıq sahil zolağını plastik və digər tullantılardan təmizləyiblər. Toplanan zibil Balaxanı bərk məişət tullantılarının çeşidlənməsi zavoduna təhvil verilib.
