Çinin ən böyük sənaye mərkəzlərindən olan Çunçin və Cian Cin şəhərlərinin nümayəndə heyəti Sumqayıt şəhərinə səfər edib. Bu haqda 12 avqust tarixində Sumqayıt24 Report.az-a istinadən məlumat verir.
Şəhər rəhbəri Zakir Fərəcov Çuy Çyanın başçılıq etdiyi nümayəndə heyətini qəbul edib. İcra başçısı Sumqayıt və onun iqtisadi inkişafı ilə bağlı qonaqlara geniş məlumat verib.
Görüşdə Çunçin və Sumqayıt şəhərləri arasındakı iqtisadi və ticarət əlaqələrinin inkişaf perspektivləri müzakirə olunub. Söhbət zamanı əməkdaşlıq əlaqələrinin genişləndirilməsi və qarşılıqlı maraq doğuran məsələlər ətrafında fikir mübadiləsi aparılıb.
