Deputat Müşfiq Məmmədli Mehdi Hüseynzadə adına stadionun açılışı ilə bağlı açıqlama verib. Bu haqda 8 sentyabr tarixində Sumqayıt24 xəbər verir.
"Burada tək stadion deyil, eyni zamanda xəstəxana və bir neçə mədəniyyət obyektinin açılışı olacaq. Bəzi obyektlərdə də son tamamlama işləri gedir. Bildiyiniz kimi, bütün bunlar kompleks şəkildə planlaşdırılıb. Mən həmin stadionda olmuşam, burada idman üçün, idmançılar üçün bütün lazımi şərait yaradılıb. Sumqayıtlılar futbola böyük maraq göstərirlər, hətta "Sumqayıt" klubunun hazırda çıxış etdiyi stadionun azarkeş tutumu kiçik olduğundan yüzlərlə futbolsevər oyunu seyr edə bilmir. Mən də səbirsizliklə stadionun açılışını gözləyirəm, özüm də "Sumqayıt" klubunun azarkeşiyəm, mənim üçün həmin stadionun açılışı ikiqat bayram olacaq. Qısa zaman ərzində də stadion və digər müəssisələr vətəndaşlarımızın ixtiyarına veriləcək", – bu sözləri millət vəkili İdman.biz-ə açıqlamasında bildirib.
