Sumqayıtdan olan deputat Müşfiq Məmmədli şəhid övladına dəstək göstərib. Sumqayıt24 bu haqda 15 sentyabr tarixində xəbər verir.
Şəhid Hikmət Məmmədovun yadigarı İntizar Həmidova deputata müəllimlərin işə qəbulu imtahanında yüksək nəticə göstərdiyini, lakin müsahibə zamanı müəyyən çətinliyi olduğunu bildirib. O, məsələ ilə bağlı köməklik göstərilməsini istəyib.
Millət vəkili Müşfiq Məmmədli ardınca elm və təhsil naziri Emin Əmrullayevə müraciət ünvanlayıb. Deputat vətəndaşın şəhid övladı olmasını nəzərə alaraq, işlə təmin olunmasını xahiş edib. Nazir müraciətə operativ şəkildə reaksiya verib və İntizar xanım şəhərimizin məktəbinə işə qəbul olunub.
