Dərnəgül dəmir yolu stansiyasında tikinti işlərinin 62 faizi yekunlaşıb.
"Azərbaycan Dəmir Yolları" QSC-dən Day.az-a bildirilib ki, "Bakı şəhəri və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı"nda Abşeron dairəvi dəmir yolu marşrutu üzrə Bakı-Xırdalan-Sumqayıt xəttinin qatarburaxma, eləcə də sərnişindaşıma qabiliyyətinin artırılması, yeni dayanacaqların istismara buraxılması nəzərdə tutulub. ADY bu istiqamətdə Dövlət Proqramından irəli gələn məsələlərin icrası üçün müvafiq işlər görür, o cümlədən yeni dayanacaqların istismara verilməsi imkanlarını nəzərdən keçirir.
O cümlədən sərnişindaşıma xidmətini daha da təkmilləşdirmək məqsədilə Dərnəgül stansiyasında tikinti işləri sürətlə davam etdirilir.
Hazırda 2 ədəd turniket binası, 1 ədəd piyada üst keçidi, 4 ədəd platformanın inşası aparılır. Stansiya ərazisindəki binalarda bünövrənin dəmir-beton işləri yekunlaşıb.
Tikinti işlərinin bu ilin ilk rübü ərzində başa çatdırılması nəzərdə tutulur.
