Əməkdar jurnalist vəfat edib. Sumqayıt24 bu haqda 6 noyabr tarixində Sumqayit.tv-yə istinadən xəbər verir.
Əli Fərəcov 73 yaşında dünyasını dəyişib. O, səhər işə getmək adı ilə evdən çıxıb, bir az sonra isə telefonuna zəng çatmadığı üçün ailə polisə məlumat verib.
Axtarışlar nəticəsində mərhumun meyiti anasının Maştağa qəbiristanlığında yerləşən qəbrinin yanında tapılıb.
İlkin məlumata görə, noyabrın 4-ü Fərəcovun anasının ildönümü olub. Hər il olduğu kimi kişi oranı ziyarət edib.
Ölümün səbəbləri bilinmir. Araşdırma aparılır.
Qeyd edək ki, Əli Fərəcov 1950-ci il martın 29-da Bakıda anadan olub. Orta təhsilini Sumqayıt şəhərində, ali təhsilini isə Azərbaycan Dövlət Universitetinin (indiki BDU) Filologiya fakültəsində alıb. Ömrünün 25 ilini idman mətbuatına həsr edib.
