Sumqayıt hadisələrinin həqiqətlərini dünyaya çatdıran Tomas Qolts dünyasını dəyişib. Sumqayıt24 bu haqda 31 iyul tarixində xəbər verir.
Həmin amerikalı Aslan İsmayılovun 2010-cu ildə yazdığı "Sumqayıt - SSRİ-nin süqutunun başlanğıcı" kitabından təsirlənmişdi. O, kitabın dünya erməniliyinin əsl iç üzünün açılmasında mühüm rol oynadığını düşünürdü. Məhz buna görə Tomas müəllifə təmənnasız həmin nəşrin amerikan versiyasını hazırlamağı təklif etmişdi.
Amerikalı professorlar Tomas Qolts, Daniyel Bruks, Devid Svedman, Djudis Qanderson və Rob Ralstonun məsləhətçiliyi və Aslanın oğlu Vaqifin köməyi ilə yeni bir kitab - “SUMGAYIT: An Armenian Agitator And The Beginning of the Collapse Of The USSR” ərsəyə gəlib. Əsər minlərlə nüsxədə həm elektron, həm də kitab halında Amazon.com platforması üzərindən ABŞ oxucularına təqdim edilib.
Aslan İsmayılovun sözlərinə görə, Tomas Qoltsun təşəbbüsündən sonra Sumqayıt həqiqətlərinin yayılması sürətləndi və kitab türk, ingilis, rus, alman və fransız dillərində yayıldı.
